Ginpalab-ot ni Bacolod Congressman Greg Gasataya kay Department of Trade and Industry Secretary Ramon Lopez ang sitwasyon sang mga Micro, Small and Medium Enterprises ukon MSMEs nga naga paabot sang bulig gikan sa amo nga ahensya bangud sa epekto nga gin dulot sang COVID-19.
Suno kay Gasataya, gin tinguhaan sini nga mapalab-ot sa tiglikom ang concern sang mga MSMEs sa syudad Bacolod kag Negros Occidental nga naga problema sa kapaslawan sang pila ka mga tag-iya sang building nga wala nagasunod sa ginpagwa nga Memorandum Circular sang DTI angut sa paghatag sang 30-day minimum grace period sa pagpanukot sang renta sa mga lugar nga napaidalum sa ECQ, MECQ kag GCQ.
Dugang pa ni Gasataya, nagpasalig man si Lopez nga iya paga hatagan sang naga kaigo nga pagtamod ang amo nga isyu.
Base sa Memorandum Circular sang DTI, dapat nga maghatag sang anum ka bulan nga nga extension sa pagpanukot sang renta ang tag sang iya building pagkatapos sang gin talana nga grace period.
Magluwas sini, gin hinyo man sang Kongresista sa DTI nga kon mahimo mapa lawig man sa sulod sang isa ka tuig ang monthly amortization sang mga MSMEs nga lubos na apektuhan sang COVID-19 nga pandemiy