SENIOR CITIZEN NASAPWAN NGA MAY MGA BUNO SA SULOD SANG IYA BALA

Share on facebook
Share on pinterest
Share on twitter
Share on print

May persons of interest na ang Kabankalan City PNP sa posible suspek sa pagpatay sa 68 anyos nga byuda sa Sitio Tambulogan, Brgy Orong, syudad sang Kabankalan kahapon nga adlaw, Biernes.

Sa pagpangusisa ni P/Lt. John Paul Tabujara, ang biktima ginkilala kay Margarita Emperado, nagapuyo sa amo nga lugar.

Suno kay Tabujara, nasapwan na lamang si Emperado sa sulod sang iya puloy-an nga patay na matapos nakaangkon sang 3 ka malubha nga pilas sa lawas tuga sang pagbuno.

Dugang pa ni Tabujara, naga-isahanon ang biktima sa iya puloy-an kag may posibilidad nga ginkawatan ukon gin hold-up matapos nahibalu-an nga nakabaligya pa sang sapat ang biktima antis natabo ang insidente. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

SENIOR CITIZEN, PATAY SANG GINBUNO KAG GINLAMPUSAN SANG BATO SA PONTEVEDRA

Patay ang isa ka senior citizen nga lalaki matapos ginbuno kag ginlampusan sang bato sa ulo sang hinablos sini nga may deperensya sa paminsaron sa Prk. Bougainvillea, Brgy. Antipolo, Pontevedra, Negros Occidental, hapon sang Marso 18, 2024.

Ginkilala ang biktima kay Nilo Paguntalan ,85 anyos samtang, ginkilala naman ang suspek nga si Jefrey Urpiana , 36-anyos kag lunsay residente sang nasambit nga lugar.
Suno kay Police Lieutenant Darryl Kuhutan, Deputy chief of police sang Pontevedra Municipal Police Station, ginsunog ni Jefrey ang balay sang iya nga magulang rason nga ginsaway ini ni Nilo.

Apang hinali nalang nga ginbuno ni Jefrey ang ang iya tiyo sa liog kag mata gamit ang steel nga kalaptan sang payong kag ginlamposan sang bato sa ulo tubtob nga napatay.

Base sa pahayag sang pamilya sa kapulisan, wala nakainom ang suspetsado sang maintenance sini nga bulong.

Dugang pa, nag-file na ang pamilya sang suspek kag biktima sang affidavit of non-interest sa pagpasaka sang kaso.

What’s your Reaction?
+1
0
+1
0
+1
0
+1
0
+1
0
+1
0
+1
0

TIYO, PATAY SANG GINTIRO SANG HINABLOS SA BARANGAY GRANADA

Patay ang 72 anyos nga tiyo matapos ginluthang sang iya hinablos sa Crossing Carmen, Barangay Granada, syudad sang Bacolod, Lunes sang gab-i, Marso 18, 2024.

Ang napatay ginkilala kay Rafael Cahina, napilasan man ang bata sini nga si Noel Cahina, 45 anyos samtang ang suspek ginkilala naman kay Jano Cahina, 35 anyos lunsay residente sang amo nga lugar.

Sa inisyal nga pagpangusisa ni PCapt. Portia Nillosan, hepe sang BCPO-Police station 5, ginaalegar ginsaway sang suspek ang iya tiyo matapos ginlawig sini ang iya karabaw sa duta sa Airsoft range nga ginabantayan sang suspek.

Ginpahayag man ni Nillosan, bangod man sa madugay nga dinumtanay, nagsabtanay pa ang magtiyo, rason nga nagkuha sang homemade shotgun si Jano Cahina kag ginluthang ang biktima.

Ginpahayag man ni Nillosan, nga ginhingagaw pa kon tani dala sa Corazon Locsin Montelibano Memorial Regional Hospital si Rafael apang gindeklarar nga dead on arrival basi sa deklarasyon ni Dr. Ellenfer Magbanua.

Ang biktima ang nakaangkon sang malubha nga pilas sa nawala nga bahin sang lawas samtang si Noel naman ang nakaangkon sang pilas sa nawala nga butkon.

Sa follow-up operation sang kapulisan, naaresto si Jano Cahina kag karon nahunong sa custodial facility sang Police Station 5 kag magapangatubang sang kaso nga Homicide.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.