SENIOR CITIZEN GIN BAWIAN SANG KABUHI SAMTANG NAGA PILA SA PAGKUHA SANG SAP AID

Share on facebook
Share on google
Share on pinterest
Share on twitter
Share on print

Patay ang isa ka Social Amelioration Program (SAP) beneficiary samtang nagapungko sa evaluation area agud makakuha sang ayuda sa aBarangay Villamonte syudad sang Bacolod kaina sang aga, Hwebes.

Ang napatay ginkilala kay Aurelia Magbanua, 87 anyos sang Purok Sabes, Barangay Villamonte syudad sang Bacolod.

Suno kay Barangay Kapitan Rommel Flores, tuman ka excited si Magbanua kag luyag sini nga personal nga makuha ang ayuda.

Dugang pa ni Flores nga si Magbanua ang wala na nagpila pa kag nagderetso na sa evaluation area.

Si Magbanua ang gin-updan sang iya nga bata kag gina-alalayan man sang mga tanod sa evaluation area.

Pasado las 9 sang aga sang gulpi nalang nga nag-uyuy si Magbanua kag ginhingagaw pa dala sa isa ka pribado nga ospital apang ginbawian sang kabuhi pasado las 10 kaina sang aga.

Ginklaro naman sang kapitan nga indi kinahanglan nga magpadulong sa SAP distribution center ang indi makasarang maghulag ukon may edad na kag kinahanglan lang nga magpakig-angut sa barangay ang himata sini.

Madumduman, may yara man sang senior citizen sadto nga SAP beneficiary sa Brgy. Tangub ang nag taliwan man samtang naga pila sa pag kuha sang first tranche sang ayuda. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.