Strikto nga pag rekisa kag pagpatuman sang pagsulundan agud mabutang sa luwas ang seguridad sang publiko, gin patuman sang Bacolod City Police Office ukon BCPO sa pag bukas sang Masskara Festival sa siudad sang Bacolod.
Suno kay BCPO Spokesperson Chief Insp. Sherlock Gabana, isa sa ginatutukan sang kapulisan amo ang pagsunod sang mga pagsulundan nga ila ginapatuman kaangay na lang sa pagdumili sa mga nagalagaw nga magdala sang armas luthang, mataliwis nga bagay kaangay sang asalan kag patalom, backpack, pagpanigarilyo, pagpalupad sang drone, pagpalupok sang firecrackers kag pagdala sang botilya sa sulod sang masskara festival site.
Suno pa kay Gabana, sa entrance sang plaza publika, may pagrekisa nga himuon ang kapulisan, magluwas ini sa police visibility patrol nga ginapatuman sa sulod kag gwa sang festival site.