SC GINPABORAN ANG CONVICTION SANG ANAY BACOLOD PULIS SA KIDNAPPING KAG PAGPATAY SA ANAY KAPITAN SANG 2003

Share on facebook
Share on google
Share on pinterest
Share on twitter
Share on print

Gin paburan sang Supreme Court third division ang desisyon nga i-convict ang duha ka anay Bacolod police sa kaso nga kidnapping kag pagpatay sa anay kapitan kag duha pa ka persona sadtong 2003.

Gin-adopt sang korte ang findings sang Regional Trial Court sa Guihulangan City, Negros Oriental nga nagapamatbat sa ila nanday Police Insp. Clarence Dongail kag SPO4 Jimmy Fortaleza sang reclusion perpetua para sa tatlo ka counts sang murder ukon 120 ka tuig nga pagkapriso nga may dugang pa nga penalidad para sa arbitrary detention.

man sang korte nga magbayad ang duha ka police 100,000 pesos para sa civil indemnity; 100,000 pesos para sa moral damages kag 100, 000 pesos para sa exemplary damages sa pamilya sang mga biktima.

Ginapabayad man ang duha sa pamilya ni anay Barangay Kapitan Eleuterio Salabas sang Barangay Pahanocoy, syudad sang Bacolod sang 4.4 million pesos; 2.7 million pesos sa pamilya ni Ricardo Suganob kag 400,000 pesos sa pamilya ni Maximo Lomoljo Jr.

Dugang nga 3.5 million pesos kay Salabas, 1.5 million pesos kay Suganob kag 50,000 pesos kay Lomoljo para naman sa damages.

LALAKI, PATAY SANG GINALEGAR NAGBATO SANG SERBEHAN WARRANT OF ARREST

Patay ang 51 anyos nga lalaki matapos gin alegar nagbatu sa otoridad sa Purok Santa Rita, Brgy. Dulao, syudad sang Bago, Biernes sang gab-i, Enero 22.

Ginkilala ang napatay nga si Emmanuel Sampane, 51, residente sang Purok Michelle, Brgy Dulao sa amo nga syudad. 

Suno kay Col. Roger James Brillantes, tagpamuno sang regional internal affair service, si Sampane ang wanted sa kaso murder, kag madugay na nga nagapanago.

Tuyo sang operatiba nga iserbi ang mandamiento de aresto nga gin-issue ni Judge Alejandro  Marquez sang RTC 4th Judicial Region, Br 79, Morong, Rizal napetsahan Agosto 25, 1998.

Dugang pa ni Brillantes, samtang nagapadulong sa lugar ang mga otoridad upod sa mga katapo sang Anti-Kidnapping Group gikan sa Kampo Crame, NOCPPO PIU,  BCPO CIU kag iban pa nga pulis gikan sa Bago City Police Station, hinali na lamang sila nga ginpalukpan rason nga nagbalos ang operatiba.

Narekober sa lugar sang insedente ang gin-alegar mga armas ni Sampane nga amo ang isa ka .45 caliber pistol, isa ka 9mm pistol nga may 1 ka magazine kag walo ka mga bala, isa ka .38 cal revolver nga may 6 live ammos, isa ka motorsiklo kag iban pa. | Aksyon Alvin Grava

SILAYNON, NAKUHAAN SANG 60K SANG SUSPECTED SHABU

Masobra 60 mil ka pesos nga balor sang ginasuapetsuhan shabu ang narekober sang kapulisan sa buy-bust operation sa prk. Maninihon, Brgy Guinhalaran, syudad sang Silay, Biernes sang gab-i.

Gin kilala ang nadakpan kay  Roland Rojo, 34 anyos residente sang amo nga lugar.

Suno kay P/Maj. Rollie Pondevilla, hepe sang Silay PNP, si Rojo ang nalista bilang street level individual, kag naaktuhan nga nagbaligya sang ginasuspetsuhan shabu sa pulis nga poseur buyer.

Narekober sa suspek ang 7 ka plastic sachets sang ginasuspetsuhan shabu, ginabulubanta 10 gramos ang kabug-aton nga nagabalor sang 68 mil ka pesos. Si Rojo ang priso karon sa Silay City custodial facility. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.