SAP CASE VS. KAPITAN PICO KAG 9 KA IBAN PA, GIN-DISMISS

Share on facebook
Share on google
Share on pinterest
Share on twitter
Share on print

Gin-dismiss sang Bacolod City Prosecutor’s Office ang kaso nga gin file batuk kay Punong Barangay Boy Pico sang Brgy. Mansilingan kag 9 ka iban pa angut sa gin alegar ma anomaliya sa Social Amelioration Program ukon SAP.

Sa interview sang Aksyon Radyo, gin pahayag ni Pico, ang pag dismiss sang kaso ang bangud sa kakulang sa ebidensya.

Suno sa Kapitan, ini ang naga pakita lamang nga wala sang anomaliya sa SAP kag ang gin file nga kaso ang pamulitika.

Lakip sa gin pasakaan sang kaso ang Barangay barangay secretary Edward Menesis, purok presidents Julius Villaflor, Victorious Christally Valenzuela, purok kagawads Gina Gilbor, Amelita Mondejar, Gregorio Beniten, Lourdes Palma kag Anabelle Javier, kag Mercedes Rory Capunong.

Suno kay Pico,wala pa sang desisyon kon bala maga pasaka sila sang counter-charge batuk sa mga nag file sa ila kasunod nga kalabanan sa ila ang naka home quarantine.

Ini na ang ikaduha nga SAP Case sa Bacolod nga gin basura kag pinakauna amo ang kay Kapitan Degie Tanista Sr. sang Barangay Alangilan. | Aksyon Dale Salazar

NUMBER 1 MOST WANTED SANG HPG REGION 6, NADAKPAN

Priso sa Police Station 4 si Carlo Claro, 37 anyos, residente sang Brgy. 20, syudad sang Bacolod matapos gin-aresto sang otoridad sa kaso nga carnapping.

Suno kay Negros Occidental Highway Patrol Group head Police Major Robelito Mariano, si Claro ang ginakabig nga number 1 Regional 6 HPG most wanted person kag responsable sa pagpangawat sang mga motorsiklo sa syudad sang Bacolod kag probinsya.

Dugang pa ni Mariano, nadakpan si Claro paagi sa warrant of arrest nga gin issue sang korte kag may piyansa nga 300,000 pesos. | Aksyon Alvin Grava

LALAKI, NAKUHAAN SANG 68K NGA BALOR SANG SUSPECTED SHABU

Priso ang isa ka lalaki matapos nadakpan sa buy-bust sa Purok 1, Barangay Libacao, Syudad sang Himamaylan.

Ginkilala ang nadakpan sa kay Antonio Immanuel, 24 anyos, soltero kag nagapuyo sa amo man nga Barangay.

Sa pagpanguna sang Provincial Drugs Enforcement Unit sa koordinasyon man sang Himamaylan PNP, nakunpiskar sa puder ni Immanuel ang balor 68,000 pesos nga ginapatihan shabu kag 1,000 pesos nga buy-bust money.

Magapangatubang ang nadakpan sang kaso nga paglapas sa Republic Act 9165 okon Comprehensive Dangerous Drugs Act of 2002. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.