SECTIONS

SAP CASE BATUK KAY KAPITAN TANISTA, GIN-DISMISS

  • at 9:52 pm
Share on facebook
Share on google
Share on pinterest
Share on twitter
Share on print

Gin-dismiss sang Bacolod City Prosecutor’s Office ang kaso nga gin pasaka batuk kay Kapitan Degie Tanista Sr. sang Barangay Alangilan kag 20 ka iban pa angut sa gin alegar ma anomaliya sa pag hatag sang ayuda sa idalum sang Soial Amelioration Program.

Sa interview sang Aksyon Radyo, gin pahayag ni Tanista, iya gina kalipay ang pagbasura sang kaso bangud wala sang mabakod nga ebidensya batuk sa ila.

Nanindugan si Tanista nga wala ini sang mi singko nga gin kuha sa mga benepisyaryo sang SAP kag wala man naga pamulitika.

Lakip sa gin pasakaan kaso amo si Kagawad Michael Solano, Barangay Secretary Lema Magan, lima ka mg staff sang Barangay kag 13 ka surveyors.

Suno sa Kapitan, wala na ini sang plano nga mag file sang counter charges pero may mga volunteer teachers nga posible mag file sang kaso batuk sa nag akusar sa ila.

Gin pahayag ni Liga ng mga Barangay President Lady Gles Gonzales nga ini ang una nga kaso angut sa SAP ang gin basura sa Bacolod. | Aksyon Dale Salazar

SWAB SAMPLES SANG 4 KA NEGRENSE, GINPADALA NA SA PGC

January 25, 2021

Ginpadala na sang gobyerno probinsiyal sang Negros Occidental sa UP Philippine Genome Center (PGC) sa syudad sang Quezon Manila ang swab samples sang 4 ka mga Negrense nga nag abot sa probinsiya halin sa iban nga pungsod.

Suno kay Governor Bong Lacson, liwat nga ginkuhaan sang swab ang apat agud madeterminar kun infected ang mga ini sa Covid-19 UK variant.

Duha sa apat amo ang mag asawa nga taga banwa sang Pontevedra nga una nagpositibo sa Covid-19 matapos kuhaan sang RT-PCR test pag abot sa Silay Airport sang Enero 16, 2021. Sila ang naghalin sa London United Kingdom (UK) kag nag abot sa Pilipinas Desyembre 30, 2020.

Suno kay Lacson, ang duha nga taga syudad sang Talisay kag Bago ang naghalin naman sa Virgin Island kag Egypt.

Dugang pa sang gobernador, mahibaluan ang resulta sang test sa Myerkules Enero 27.

Gina asikaso naman sang probinsiya ang plano nga pagpasaka sang kaso sa mag asawa matapos magpakilala bilang mga Locally Stranded Individuals kag wala magpanugid nga naghalin sa UK.

Ginklaro ni Governor Bong Lacson nga indi makabig nga local transmission sang Covid-19 UK variant ang kaso sang apat ka mga returning Negrense, sa tion nga magpositibo ang mga ini sa amo nga virus. | Aksyon Marlon Genovea

DUHA PILASON SA PAGBUNGGUANAY SANG DUHA KA MOTORSIKLO

January 25, 2021

Kapilasan ang naangkon sang duha ka driver sang ini maaksisente nga mabungoan sang isa motorsiklo ang isa pa ka motorsiklo sa Sitio Mabuni, Barangay Guadalupe, Syudad sang San Carlos.

Ang mga pilason ginkilala kay Romulo Dacillo, legal ang edad kag nagapuyo sa Barangay Gabiga, Banwa sang Lalibertad, Negros Oriental, samtang ang isa naman ginkilala kay Edmar Barbecho, legal ang edad kag nagapuyo naman sa Phase 2, Urban, Barangay Rizal Syudad sang San Carlos.

Suno kay PLt Roby Aurita, Deputy of Police sang San Carlos PNP, nag-uturn si Barbecho tabok sa pihak nga dalan sang bungoan ni Dacillo nga nagpadulong.

Dugang ni Aurita, sila nga duha pareho nga wala nakatalupangod, rasun nga naglutad ang aksidente.

Ginakabig sang otoridad nga malubha ang kapilasan ni Dacillo rasun nga gin-refer ini sa Bacolod nga Hospital, apang ginhangyo sang pamilya nga sa Dumaguete nalang para malapit para sa ila. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.