SAP BENEFICIARY NADAKPAN SA BUY BUST OPERATION SA BACOLOD

Share on facebook
Share on google
Share on pinterest
Share on twitter
Share on print

Arestado ang duha ka persona matapos nadakpan nga nagabaligya sang ginadumilian nga droga sadtong Domingo sang gab-i, Mayo 17.

Una nadakpan sang Police Station 2 si Danilo Vivas, 29 anyos nga pumuloyo sang Purok Narra Baybay Brgy. 8, syudad sang Bacolod.

Narekober kay Vivas ang anom ka plastic sachet sang suspected shabu nga may market value nga 81,000 pesos kag shabu paraphernalia.

Si Vivas ang ginakabig Street Level Target nga yara sa drug watchlist sang Police Station 2, probationer kag SAP beneficiary.

Nadakpan man sang Bacolod City Police Office City Drug Enforcement Unit si Ricky Lanada, 31 anyos kag pumuloyo sang Purok Kabugwason, Brgy. Mansilingan.

Narekober kay Lanada ang lima ka sachet sang suspected suspected shabu nga may market value 24,000 pesos kag shabu paraphernalia.

Si Vivas kag Lanada ang nadakpan paagi sa buybust operation kag yara sa custodial facility sang Police Station 2 kag Police Station 7 durante ginapreparar ang kaso batok sa ila. | Aksyon Eric Magbanua

MORE STORIES:

ANU ANG IMO MA KOMENTO?