SANGGUNIANG PANLUNGSOD, NANGABAY NGA PASANGKARON ANG KAMPANYA KONTRA DENGUE SA KADA BARANGAY

Share on facebook
Share on google
Share on pinterest
Share on twitter
Share on print

Naga pangabay ang Sangguniang Panlungsod sa 61 ka mga Barangay sa syudad sang Bacolod nga pasangkaron ang kampanya kontra dengue.

Ini matapos gin aprubahan ang resolution nga gin author ni Councilor Wilson Gamboa Jr. Suno sa Konsehal, dapat i-intensify sang syudad ang kampanya batuk sa dengue apiesar nga naga pakita sa record sang City Health Office nga may 68% nga pag nubo sang dengue cases sa syudad.

Humalin Enero tubtob Mayo 15, ang Bacolod ang may 155 ka dengue cases mas manubo ikomparar sa 480 sang 2019 sa parehas nga period.

Sa karon, padayon ang kampanya sang CHO sa mga barangay paagi sa pag edukar sa mga pumuluyo sa mga tikang para malikawan ang dengue.

NEGROS OCCIDENTAL MAY 118 ACTIVE COVID-19 CASES

Liwat nga nagsaka ang kaso sang Covid-19 sa Negros Occidental.

Sa datos sang Provincial Incident Management Team (PIMT) tubtub Enero 17, 2021, nagsaka sa 118 ang active cases halin sa 109 nga record sadtong Enero 11, 2021.

Ang syudad sang San Carlos amo ang may pinakadamo nga active cases nga may 23 kag ginasundan sang Silay nga may 13.

May 24 naman ka mga banwa kag syudad ang may single-digit number na lamang nga active cases.

May lima man ka mga banwa nga wala na sang aktibo nga kaso nga ginalakipan sang Don Salvador Benedicto, Cauayan, Pontevedra, San Enrique, kag Valladolid.

Pinakanubo nga active cases ang narekord sang PIMT sadtong Enerto 6 kag 9, 2021, nga may 104.

Basi sa cumulative report sang PIMT halin Marso 27, 2020 tubtub Enero 17, 2021, ang Negros Occidental ang may total Covid-19 cases nga 6,574, recoveries – 6,250, kag 206 nga napatay. | Aksyon Marlon Genovea

BABAYE PILASON SANG GINBUNO SANG LIMA KA BESES

Nakaangkon sang lima ka pilas ang isa ka babaye matapos ginbuno sa President Osmena Street, Don Juan Subdivision, Barangay 2, Syudad sang San Carlos.

Ang biktima ginkilala kay Angelou Olavia, 27 anyos, dalaga kag nagapuyo sa amo man nga lugar.

Base sang imbestigasyon sang San Carlos PNP, nagsulod sa compound sang boardinghouse ni Olavia ang wala makilala nga suspetsado kag sang ginpamangkot ini hinali lang siya nga gintapungol kag ginbuno.

Suno kay Olavia, mahimo sini makilala ang suspetsado kun liwat nga makit-an.

Padayon ginabulong sa hospital ang biktima kag gina-imbestigahan pa sang tul-id ang motibo sang pagbuno. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.