SANGGUNIANG PANLALAWIGAN GIN APRUBAHAN ANG CNA BONUS

Share on facebook
Share on google
Share on pinterest
Share on twitter
Share on print

Mangin masinadyahon na ang Christmas season sang kapin 3,400 ka mga empleyado sang gobyerno probinsiyal sang Negros Occidental, matapos aprobahan sang Sanguniang Panlalawigan (SP) ang 2020 Collective Negotiation Agreement (CNA) bonus.

Suno kay Progressive Alliance of Capitol Employees (PACE) President Renelo Lastierre, ini ang gin-aprobahan sa regular nga sesyon sang SP subong nga hapon, Martes.

Una diri ginpahayag ni Provincial Administrator Atty. Rayfrando Diaz nga indi magnubo sa P25,000 ang mabaton nga CNA bonus sang kada empleyado, depende sa savings halin sa maintenance and other operating expenses (MOOE), kag sandig sa Department of Budget and Management kag Commission on Audit.

Sa una nga bahin sang Nobyembre, nakabaton man ang mga empleyado sang ila 14th month bonus kag P5,000 nga Performance Enhancement Incentives.

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.