SANDIGANBAYAN GIN ACQUIT SI ANAY BACOLOD MAYOR PUENTEVELLA SA 26M GRAFT CASE

Share on facebook
Share on google
Share on pinterest
Share on twitter
Share on print
(Aksyon Radyo Bacolod File Photo)

Matapos ang 13 ka tuig, gin-acquit sang Sandiganbayan Second Division si anay Bacolod Congressman kag Mayor Monico Puentevalla kag iban pa sa kaso graft angut sa gin alegar ma anomaliya nga pagbakal sang 26 milyones nga computer Information Technology ukon IT package sang ini ang kongresista sang 2002 tubtob 2007.

Ang 34 ka pahina nga mando nga naga acquit kay Puentevella kag Jessie Garcia ang napetsahan Nobiembre 16 bangud sa “failure of the prosecution to prove their guilt beyond reasonable doubt”.

Nasaad sa mando nga abswelto man sanday Puentevilla kag Garcia sa ano man nga civil liability.

Ang mando ang pirmado ni Associate Justice Oscar Herrera Jr. kag gin concur ni Associate Justice Michael Frederick Musngi kag Bayani Jacinto.

Ang mando ang gin certify ni Presiding Justice Amparo Cabotaje-Tang.

Ang kaso ang angut sa gin alegar pag usar ni Puentevella sang 26 million pesos sini nga Priority Assistance Development Fund par mag bakal sang IT package sa mga public school sa syudad.

Ang computer package ang gin alegar naga balor sang 400,000 ang kada isa.

Madumduman, November 2015, sang gin paidalum sa 90-dias nga preventive suspension ang anay alkalde angut sa sini nga kaso.

Gin pahayag ni Puentevella, nangibabaw ang hustisya matapos ang 13 ka tuig kag nag pasalamat ini sa tanan nga nag pangamuyo kag nag suporta sa iya.

Para kay Puentevella, ang ini nga kaso ang tuyo lamang nga gub-on ang iya ngalan sang iya mga kontra sa politika.

Sa karon, maga konsulta pa si Puentevilla sa iya mga abogado sa posible pagpasaka sang counter-charges.

“Na-dismiss ang kaso, acquitted ako asta tanan nga nag upod sa akon nga gin patupatuan nila. So I’m sorry. I hope they are not too disappointed nga justice after 13 years has prevailed in this country. Nag gwa guid man ang kamatu-uran,” suno kay Puentevella.

MORE STORIES:

LIKE US ON FB

error: Ooops... You are not authorized to copy this content.