Wala pa sang may natumod nga suspetsado ang San Enrique PNP sa pagluthang kay PSSgt. Adan Bello sa isa ka remittance center sa banwa sang San Enrique.
Suno kay PCapt. Reynante Salgado, hepe sang San Enrique PNP, padayon pa ang ila ginahimo nga imbestigasyon tubtob subong. Aminado si Salgado may kabudlayan sa pagkilala sa suspetsado, bangud nga naka-bonnet ini sang ginhimo ang pagpangluthang.
Nahibal-an, si Bello may pamahog na sa kabuhi sadto pa sang ini ang na- assign sa operatiba.
Samtang, hilway naman sa katalagman si Bello nga karun padayon nga ginabulong sa hospital. | Aksyon Bryan Morden