SAN CARLOS CITY MAY KAUGALINGON NA NGA ISOLATION FACILITY NGA MAKA AKOMODAR SANG 180 KA MGA COVID-19 PATIENTS

Share on facebook
Share on google
Share on pinterest
Share on twitter
Share on print
(San Carlos LGU Photo)

Anu man nga adlaw subong nga bulan, magaumpisa na ang pag-operar sang bag-o nga Covid-19 Healing Center sa syudad sang San Carlos,
Negros Occidental.

Ini matapos patigayunon ang inagurasyon nga gintambongan nanday Governor Bong Lacson kay Mayor Renato Gustilo.

Ang building nahamtang sa vicinity sang San Carlos City Sports Complex , nagabalor sang P10 milyones pesos kag sarang nga makaakomodar sang 180 ka mga Covid-19 patients.

Ang pondo nga ginpain ang ginkuha sa 20% nga development fund sang syudad.

Personal nga gin-usisa ni Lacson ang mga pasilidad sang building, swab area, quarters sang mga doktor kag nurses kag kuarto sang mga PUMs kag Covid-19 patients.

Ini ang may duha ka mga isolation nga may 24 ka mga kuarto, PUIs building nga may 14 ka mga kwarto kag may kaugalingon nga comfort room kag bathroom. | Aksyon Marlon Genovea

KASO ADMINISTRATIBO IPASAKA BATUK SA CANDONI POLICE NGA NAGPOSITIBO SA DROGA

Natalana nga ipasaka sa masunod nga simana ang kaso administratibo batok sa pulis nga Candoni nga nagpositibo sa illegal nga druga.

Suno kay Negros Occidental Police Provincial Office ukon NOCPPO Deputy Spokesperson PLt Abegael Donasco, ginhatagan liwat sang isa pagid ka simana ining corporal agud makapaathag sa iya bahin.

Dugang ni Donasco, tanan nga proseso ginpatuman sa iya, antis pana man mapasakaan sang kaso. Ining pulis gin-assign gilayon sa Regional Office sang PNP kag dis-armado.

Madumduman, naga-isahanon siya nagpositibo sa lima nga ginpa-idalum sa drug test sadtong Deciembre 2020. | Aksyon Bryan Morden

BACOLOD MAY YARA NA LAMANG SANG 10 KA VACCINATION CENTERS

May yara na lamang sang 10 ka mga vaccination centers ang syudad sang Bacolod para sa pagbakuna sa tion nga mag abot na ang Covid-19 vaccines.

Suno kay Councilor Renecito Novero, chair sang vaccination action center team, humalin sa 22 ka proposed vaccination centers, ini ang ginpanubuan sa 10, base man sa ginkasugtan sa damlag lang pagsinapol sang Covac council.

Ginpaathag ni Novero, nagakaigo na ang pulo ka vaccination centers bangud kon pasubrahan posible indi ini masarangan sang mga healthcare personnel, resources, ukon logistics. Ang vaccination centers ang nahamtang sa strategic areas.

Sa karon, indi pa mapalayag ni Novero ang lugar bangud ginavalidate pa ini sang iya team, Bacolod City Health Office, City Engineer’s Office kag iban pa.

Ang syudad ang una na nga nagbakal sang 650,000 doses sang vaccine gikan sa AstraZeneca pero wala pa mahibaluan kon san-o ini maga-abot. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.