SALES: ENROLLMENT SA PUBLIC SCHOOL SA BACOLOD MALAPIT NA SA 100%

Share on facebook
Share on google
Share on pinterest
Share on twitter
Share on print

Malapit na sa 100% ang enrollment sa public schools sa syudad sang Bacolod para sa school year 2020-2021.

Suno kay Bacolod Schools Division Superintendent Gladys Amylaine Sales, tinalikdan nga school year may yara sang kapin 109,000 nga enrollees, kag karon yara na sa 108,000 ang nag pa enroll humalin sa kinder tubtob Senior High sa public school.

Dugang pa ni Sales, may 25% naman nga increase sa enrollment sang senior high school sa public school, kasunod nga may mga estudyante gikan sa private school ang nag saylo sa public school.

Ginklaro ni Sales nga naga sige pa baton sa luyag mag pa enroll kag posible maga lawig ini tubtob katapusan sang Oktubre 2020.

Naga pakig-angut sa karon ang DepEd Bacolod sa DepEd Central Office angut sa mga kinahanglanon pa sang mga manunudlo sa pagpatuman sang distance learning.

Suno kay Sales, kalabanan sa mga estudyante sa Bacolod ang nag pili sang modular sa ila nga pag tuon.

Isa karon sa gina lantaw ni Sales amo ang pag-amat amat nga transition sa pag usar sang digital modules kasunod nga kalabanan man sang mga estudyante ang may yara sang gadget sa tuyo nga maka save kag indi na kinahanglan ang printed modules. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.