SALANGA: BACOLOD PREPARADO NGA MAG BATON SANG RETURNING OFWs PERO DAPAT MAY PROPER COORDINATION

Share on facebook
Share on google
Share on pinterest
Share on twitter
Share on print
(Bacolod PIO File Photo)

Preparado ang LGU sang Bacolod sa pagbaton sang mga returning OFWs pero dapat may naga kaigo nga koordinasyon sa syudad.

Ini suno kay Councilor Israel Salanga, chair sang Action Team on Returning OFWs.

Ini suno kay Salanga ang rason sa pagpadala ni Mayor Evelio Leonardia sang sulat sa National IATF matapos nga wala napabalo ang LGU sang Bacolod kag Negros Occidental nga may maabot nga OFWs subong nga semana.

Sa Laging Handa Network Briefing kaina sang aga (Abril 27), gin palambot ni Leonardia ang ini nga concern kay OWWA Administrator Leo Cacdac.

Gin pahayag ni Cacdac, ang Department of Transportation- Marina Industry Authority (DOTR-MARINA) amo ang nag organisar sang amo nga byahe.

Suno kay Salanga, dapat ma preparahan ang mga returning OFWs ilabi na ang available nga quarantine centers antes sila nga mag abot sa Bacolod.

Suno sa Konsehal, maga abot ang 58 ka mga Bacolodnon nga OFWs nga mga seafarers sa BREDCO Port bwas nga adlaw, Abril 28.

Gin paathag ni Salanga, para masiguro ang seguridad sang tanan, liwat nga ipaidalum sa 14-day mandatory quarantine ang mga OFWs sa quarantine center sang syudad kag liwat man nga ipaidalum sa swab test apiesar nga ini mga health protocol ang ila natuman sa Metro Manila.

Ang mga seafarers ang maga pirma sang consent form nga naga sugot sa ipatuman nga protocol sang Bacolod.

Indi luyag sang konsehal nga matabo sa Bacolod ang nagluntad sa Negros Occidental nga may duha ka returning OFWs nga gin repatriate nga nag positibo sa virus apiesar nga may yara sang health clearance.

Gina kilala ni Salanga ang mga OFWs nga dako ang bulig sa ekonomiya sang pungsod. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.