SALAKYAN SANG INCIDENT COMMANDER SANG LOCAL IATF SANG ESCALANTE CITY, GINTIRO SANG RIDING-IN-TANDEM SUSPECTS

Share on facebook
Share on google
Share on pinterest
Share on twitter
Share on print

Gintiro sang armas luthang ang salakyan sang Incident commander sang Local Inter Agency Task Force ukon IATF kag officer sang Community Environment Natural Resources Office ukon CENRO sa Syudad sang Escalante sadtong Myekules sang hapon (Septembre 16,2020).

Ang biktima ginkilala kay Vermont Juvahib, 42 anyos kag nagapuyo sa Purok Bagong Silang, Barangay Balintawak sa amo man nga Syudad.

Suno kay PMaj Gil John Despi, hepe sang Escalante PNP, nakaparking sa grahian sa kilid sang dalan ang ertiga SUV nga salakyan sang biktima sang may isa ka motorsiklo nga nagdulog malapit sa iya puloy-an kag nagpanaog ang angkas sini nga amo ang nagluthang.

Narekober sa area sang insidente ang duha ka balines kag duha ka basiyo sang 9MM pistol.

Dugang pa ni Despi, wala man sang may matumod nga suspetsado ang biktima bangud suno iya wala man siya sang kontra.

Palayag pa sang hepe, wala man nakaparecord ang biktima nga may pamahog ini sa kabuhi antes natabo ang insidente. Padayon pa ang imbestigasyon sang kapulisan. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.