SAGAY PNP GINA TUTUKAN ANG ‘LOVE TRIANGLE’ SA PAG PATAY SA BARANGAY KAGAWAD

Share on facebook
Share on pinterest
Share on twitter
Share on print

Nakatutok sa love triangle ang imbestigasyon sang Sagay PNP sa pagpatay kay Mario “Negro” Agabon nga number 1 Barangay Kagawad sang Lopez Jaena, Syudad sang Sagay.

Suno kay PMaj Albert Sy, hepe sang Sagay PNP, naguwa sa ila inisyal nya pagpangusisa, may away ang biktima kag ang ginatudlo nga principal suspect nga si Elenel Marquez bangud sa babaye.

Dugang ni Sy, nadakpan sadto ni Agabon nga nagatexanay ang asawa sini kag ang suspetsado nga si Marquez.

Palayag pa sang hepe, antis paman ang pagpatay sa biktima may mga hitabo na sadto tunga sa duha.

Samtang, indi paman mapalayag ni Sy kun ginbayran bala ni Marquez ang mga suspetsado nga sanday Rico Fuertes nga isa ka miyembro sang Philippine Army, Rex Muchuela nga miyembro sang Special Cafgu Action Auxiliary. Suno sa hepe, sunado ni Fuertes ang pasikot-sikot sang Sagay apisar ng taga Lambunao Ilo-ilo ini, bangud 62nd Infantry Battalion dira nabutang sang una.

Ginhilway naman sa custodial facility sang Sagay PNP si Marcial Maquimot, bangud wala makitaan nga may dako ini nga partisipasyon sa amo nga krimen.

Si Maquimot, amo ang una nga gin-imbitar sang otoridad kag nakatudlo sa tatlo ka mga suspetsado nga sanday Fuertes, Muchuela kag Marquez nga napasakaan na sang kaso nga pagpatay. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.