Nadugangan sang 32 ang Covid-19 confirmed cases sa syudad sang Sagay Negros Occidental sa diin 26 sa mga ini ang lunsay close contact sang mga nag una nga nagpositibo.
Sa datos sang ” I love Sagay” fb page, ang 26 ka mga nagpositibo ang naghalin sa Brgy. Paraiso – 13, Fabrica – 11 kag Poblacion – 2.
Ang 5 ang mga domestic cases nga may travel history sa syudad sang Bacolod, samtang isa ang LSI halin sa Manila.
Ini ang resulta sang sunod sunod nga mass testing kag immediate contact tracing.
Sa karon yara na sa quarantine facility sang syudad ang mga nagpositibo.
Ginpanawagan sang lokal nga gobyerno sa ila mga residente nga indi anay magkadto sa mga Covid-19 high-risk areas, indi mag kampante kag padayon nga magsunod sa border protocol tubtub Nobyembre 30.
As of November 28, 2020, ang Sagay ang may 85 ka mga active cases kag 9 nga napatay sa Covid-19.
