MENU

ROY YANSON NANAWAGAN SA IYA PAMILYA NGA ISTORYAHAN ANG ILA GINA PANGATUBANG NGA ISYU

  • at 6:55 pm
Share on facebook
Share on pinterest
Share on twitter
Share on print

Nanawagan si Roy Yanson sa iya iloy kag kauturan nga magpungko sila bilang isa ka pamilya kag hambalan kon paano masolbar ang problema nga gina-atubang sa karon sang pamilya Yanson.

Nagpahayag man sang kasubo si RSY, nga bangod sang mga isyu nga wala ma-estoryahan, naglambot na sa indi pag intiendihanay kag inaway sang pamilya.

Sa isa ka press conference, gin athag ni RSY nga wala sila sang tuyo nga ipalayag sa publiko ang mga isyu sang pamilya kag ibutang ang ila kaugalingon sa trial by publicity.

Suno pa kay RSY nga kon magpadayon pa ang ilinaway sang pamilya, wala man sang may magdaog sa ila. Dugang pa nga panawagan ni RSY nga ang tanan magpatawad sa isa kag isa.

Ang panawagan ni RSY bilang kamagulangan, ang iya ginapatungod sa iya iloy nga si Olivia kag sa iya mga utod nga sanday Emily,Ginnette,Celina,Ricky kag Leo Rey.

What’s your Reaction?
+1
0
+1
0
+1
0
+1
0
+1
0
+1
0
+1
0

MGA NA ISYU NGA CITATION TICKETS SANG BTAO, GIN USISA

April 26, 2024

Na presentar na sang Bacolod Traffic Authority Office ang mga citation ticket nga na isyu halin Disyembre 2023 sa City Legal Office.

Ginpahayag ni BTAO Head Patrick Lacson, Hwebes sang nagpadulong si City Legal Officer Atty. Romeo Carlos Ting Jr sa ila opisina kag gin check ang record.

Tuyo sini nga ma usisa kon bala naga santo ang na isyu nga citation ticket sa ginbayad nga mga penalidad. Ini kabahin sang pagpangusisa sang CLO sa reklamo nga ginalegar pag retoke sang resibo sang traffic violator.

Base sa reklamo, 1,300 pesos ang ginbayad nga penalidad sang traffic violator pero 300 pesos lamang ang nag sulod sa syudad.

Suno kay Lacson, Disyembre 2023 sang gin assign sa BTAO ang ginareklamo nga cashier.

Nagpasiguro si Lacson nga maga kooperar ang ila opisina sa ginapatigayon nga imbestigasyon.

What’s your Reaction?
+1
0
+1
0
+1
0
+1
0
+1
0
+1
0
+1
0

PSA GINA USISA ANG PAG ISYU SANG REGISTRAR SANG BIRTH CERTIFICATE SA CHINESE NATIONAL

April 26, 2024

Gina usisa sang law department sang Philippine Statistics Authority ang gin alegar pag isyu sang civil registrar sang syudad sang Bacolod sang birth certificate sa isa ka Chinese national.

Hwebes nga adlaw, Abril 25, 2024 sang nagpadulong ang tiglawas sang PSA sa Bacolod para magpangusisa.

Ginpahayag ni City Legal Officer Atty. Romeo Carlos Ting Jr., Barangay Sum-ag ang address sang foreign national kag naisyuhan sang birth certificate sang 2019.

Ginkumpirmar ni Ting, nga may isa man ka dumuluong ang na isyuhan man sang kaangay nga dokumento sa banwa sang Hinigaran.

Ginpahayag ni Ting nga maga kooperar sila sa imbestigasyon kag hulaton ang findings kag rekomendasyon sang PSA.

Ginpahayag naman ni City Registrar Atty. Hermilo Pa-oyon nga indi maka isyu ang registrar sang birth certificate sa mga foreign national magluwas na lamang kon dire sa pungsod sila nabun-ag.

Suno kay Pao-oyon, maga kooperar ini sa pagpangusisa kag magahulat man sang resulta halin sa PSA.

Ginpahayag ni Paoyon, sa tion nga matukiban nga illegal ang pagkuha sang birth certificate, ini ang ipa cancel sang PSA.

Ginpaathag ni Paoyon, iya gina panan-aw nga posible nalutsan lamang sila ilabi na nga ila gina isyu ang mga dokumento sa tion nga may mga supporting documents nga gina presentar ang aplikante.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.