MENU

ROAD CONCRETING PROJECT, TARGET NI VICE GOV. LACSON KON SIYA NA ANG MAG PUNGKO BILANG GOBERNADOR SA 2019

  • at 11:21 pm
Share on facebook
Share on pinterest
Share on twitter
Share on print
Negros Occidental-  Prayoridad ni Negros Occidental Vice Governor Eugenio Jose Lacson ang road concreting project sa mga lugar nga masami ginabisitahan sang mga turista, sa iya pagpungko bilang bag-o nga gobernador sa tuig 2019.
Suno kay Lacson, kabahin ini sa iya mga plano agud mapasanyog pa ang industriya sang turismo sa probinsiya. 
Nagasalig ang bise gobernador nga kun ini ang matigayon sa iya administrasyon, magadamo pa ang mga tourist arrivals kag posible nga malampuwasan ang iban nga mga probinsiya. 
Sandig sa record sang Department of Tourism ukon DOT, ika-duha ang Negros Occidental sa mga probinsiya sa Western Visayas nga may pinakadamo nga tourist arrivals sadtong tugi 2017. 
Sadtong bulan sang Septyembre, gin-umpisahan naman sang Department of Public Works and Highways ang PHP100 million pesos nga road concreting project sa Barangay Bi-ao banwa sang Binalbagan, nga kabahin sa DOT Tourism Board Infrastructure Program.
What’s your Reaction?
+1
0
+1
0
+1
0
+1
0
+1
0
+1
0
+1
0

MOBILE PATROL UNIT GINKILALA MATAPOS NADAKPAN ANG SUSPEK SANG VANDALISM

April 25, 2024

Personal nga nabaton ni Mobile Patrol Unit Chief Police Lt. Col. Sherlock Gabana ang recognition kag singko mil pesos nga padya halin kay Bacolod City Director Police Col. Noel Aliño angot sa pagdakop nila sa Filipino-American nga si Jean Clifford Rabinowitz.

Si Rabinowitz ang nadakpan sa akto sang Mobile Patrol Unit nga naga-spray sa pader sang Burgos Street STI-WNU gamit ang canester spray paint.

Suno kay Bacolod City Director Police Col. Noel Aliño, batonon man sang Police Station 8 ang kinse mil pesos nga padya sa masunod nga semana sa pagdakop nila sa tatlo ka persona nga naga-spray sa pader sang Araneta Street Purok Kabulakan 2 Brgy. Singcang Airport, syudad sang Bacolod.

Suno kay Alin̈o, gintukod ang Task Force Vandalism sa pangabay sang LGU Bacolod agod ma-address ang problema sang vandalism sa syudad sang Bacolod.

Liwat nanawagan si Aliño sa publiko nga buligan ang kapulisan sa ila kampanya kontra vandalism.

What’s your Reaction?
+1
0
+1
0
+1
0
+1
0
+1
0
+1
0
+1
0

HINLO: MGA NAG RESIGN NGA MIEMBRO SANG PDP-LABAN MAY IHIBALO SA PLANO SA 2025

April 25, 2024

Ginlaragway ni Partido Demokratiko Pilipino – Lakas ng Bayan (PDP-Laban) deputy secretary general for Visayas, Atty. Jesus “Jayvee” Hinlo nga wala sa lugar ang ginhimo nga pagresign sang pulo (10) ka mga opisyal sang syudad sang Victorias, sa PDP-Laban Negros Occidental.

Ginklaro ni Hinlo nga may ihibalo ang mga aktibo nga miyembro sang ila partido sa plano nga pagpahamtang kay anay Victorias City Mayor Francis Frederick “Wantan” Palanca bilang kandidato sa pagka-gobernador sa Negros Occidental sa 2025 nga eleksyon sa idalom sang PDP-Laban.

Gin-ako ni Hinlo nga nakibot siya sa ginhimo nga pagresign ni Victorias City Vice Mayor Abelardo Bantug III kag siyam (9) ka mga konsehal sang syudad.

Nagapati si Hinlo nga suportahan sang taga syudad sang Victorias si Palanca, kun madayon ang pagkandidato sini bilang gobernador.

Si Hinlo ang gin-appoint bilang opisyal sang PDP-Laban sa Visayas nagligad nga Disyembre 2023, samtang si Palanca amo naman ang bise presidente sang partido sa Negros Occidental.

What’s your Reaction?
+1
0
+1
0
+1
0
+1
0
+1
0
+1
1
+1
0

MORE STORIES:

LIKE US ON FACEBOOK

error: Ooops... You are not authorized to copy this content.