Ginpamunuan ni DILG Negros Occidental OIC Provincial Director Roselyn Quintana, ang serye sang Road Clearing inspection subong nga semana sa Hinigaran, Himamaylan, Pontevedra, Binalbagan kag Kabankalan.
Kabulig sang DILG sa pag inspeksyon ang mga kapulisan, agud masiguro nga ginatuman sang mga local government units (LGUs) ang nasaad sa Memorandum Circular No. 2020-145.
Ini nga memo ang nagahatag sa mga LGUs sang 60 ka adlaw umpisa Nobyembre 16, 2020 tubtub Enero 15, 2021, nga ma comply ang presidential directive nga nagapabalik implementar sang pagtinlo sa mga dalanon sa mga illegal structures kag constructions.
Sa una nga implementasyon sang road clearing sadtong tuig 2019, madamo sang mga local chief executives ang ginpasakaan kaso administratibo sang DILG bangud sa kapaslawan nga matuman ang direktiba ni Presidente Rodrigo Duterte nga kakason ang mga illegal obstructions, kag ibalik sa publiko ang pagamit sa tanan nga major roads kag highways. | Aksyon Marlon Genovea