RIDING IN TANDEM STRIKES AGAIN

Share on facebook
Share on google
Share on pinterest
Share on twitter
Share on print

SILAY CITY, Negros Occidental – Patay ang isa ka lalaki matapos ginluthang sang riding-in-tandem pasado las siete (7am) sini nga aga sa Barangay E. Lopez siudad sang Silay.

Ang biktima ang gin kilala kay RAMIRO “MIROY” TORALBA, 45-anyos residente sang Purok Sunrise sang amo man nga lugar.

Sa interview sang Aksyon Radyo Bacolod kay Brgy. Kagawad Joseph Enong, isa sa mga naka-saksi sa nagluntad nga insidente, sakay sa iya gina maneho nga motorsiklo si Toralba sang hinali lamang nga gin-dikitan sang naga sunod nga riding-in-tandem nga naka sakay sa itom nga Rusi 125.

Dugang pa ni Enong, isa lamang ka lupok sang armas ang ila nabatian nga gin tunaan sa kamatayon sang biktima matapos maka angkon sang patal nga pilas sa ulo.

Sa pihak nga bahin, base sa inisyal nga imbistigasyon ni Supt. Noel Polines, hepe sang Silay City Pnp, posible nga gina monitor na sang mga suspetsado ang hulag sang biktima kag matapos maka kuha sang oportunidad didto na kag gin himo ang krimen.

Dugang pa ni Polines, si Toralba ang naga pauli na kon tani sa iya puluy-an matapos mag dul-ong sang iya bata sa eskwelahan sang gin tiro sang wala pa makilal-an nga riding in tandem suspects nga lunsay naka suksok sang facemask.

Samtang, nagapati naman si Merla Toralba asawa sang napatay nga posible bangud sa babayi ang rason sang pagluthang sa iya nga bana, bangud may mga report nga ini ang may yara sang gin alegar ka relasyon nga babaye nga may yara man sang bana.

Aminado si Merla nga may pagka “suplado” gid man ang iya bana apang wala ini sang nahibaluan nga kontra ukon na agrabyo nga persona sa ila lugar.

Nahibaluan, nga si Ramiro ang maka duha ka beses na nga gin-attempt nga luthangon duha ka bulan na ang nakaligad.

Angut diri, gina usisa pa sang kapulisan kon bala personal ukon may kaangtanan sa ilegal nga droga ang motibo sa pagpatay kay Toralba bangud sang report nga ila nakuha angut sa gin alegar pag gamit sang biktima sang iligal nga droga.

via Aksyon Dorel Cabatu & Aksyon Art Tayhopon

Photos: Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.