RETURNING RESIDENTS SANG HINOBA-AN IPAIDALUM SA QUARANTINE SA BEACH HOUSE

Share on facebook
Share on google
Share on pinterest
Share on twitter
Share on print
(SB Tupas Photo)

Ipaidalom sa quarantine ang mga returning residents sang banwa sang Hinobaan sa Beach House, bilang temporaryo nga palahuwayan samtang ginatapos pa ang Evacuation Center sang munisipalidad.

Suno kay Sanguniang Bayan Committee on Health Chairman kag Liason sang Inter-Agency Task Force Municipal Councilor Jason Tupas, magapakig-angot ang ila banwa sa gobyerno probinsiyal sa amo nga plano.

Dugang pa ni Tupas, ini nga lugar ang isolated , matawhay , malayo sa komunidad, kag may relaxing sea breeze ambiance. Ginpasalamatan sang banwa ang pamilya Cabalde, kag anay Vice Mayor nga subong NOCECO BoD Pinggot Cabalde sa pagpasugot nga maarkelahan ang amo nga lugar.

(SB Tupas Photo)

Ini ang isa ka pamaagi agud makabulig sa gobyerno sa giyera batok sa covid-19, sa liderato ni Mayor Ernesto Estrao.

Sa online registration sang Provincial IATF, may 1,614 ka mga Negrense stranded passengers ang luyag nga makapauli sa probinsiya, sa diin 30 sa mga ini ang taga Hinobaan. | Aksyon Marlon Genovea

PANGABAY NI CONG GASATAYA NGA DUGANG NGA SENIOR CITIZENS NGA MAKABENEPISYO SANG SOCIAL PENSION, VERIFIED NA SG DSWD

Na-verified na sang Department of Social Welfare and Development (DSWD) ang request ni Bacolod Lone District Congressman Greg Gasataya nga dugang nga senior citizens nga makabenepisyo sang social pension.

Sa interview sa Aksyon Hotline, ginpahayag ni Gasataya nga sa karun 2,700 lamang ang existing nga benepisyaryo sang social pension sa Bacolod. Ang mga nasambit nga pensioners ang wala gid sang may ginabaton nga anu man nga pension kaangay sang SSS, GSIS kag iban pa.

Suno kay Gasataya, 4,000 ka mga senior citizens ang nadugang sa listahan sa diin beripikado na man ini sang DSWD.

Nahibaloan, ang nasambit nga mga pensioners ang nagabaton sang P500.00 kada bulan gikan sa DSWD.

Dugang pa ni Gasataya, may gin-file na man nga hagna nga nagapadugang sang social pension apang sa karun pending pa ini sa kamara.

MORE STORIES:

LIKE US ON FB

error: Ooops... You are not authorized to copy this content.