Gin pasiguro ni Councilor Wilson Jun Gamboa Jr. nga iya paga bantayan ang resulta sang Committee hearing nga patigayunon sang talatapan ni Councilor Ceasar Distrito angut sa 2.52 Billion pesos nga pondo sang syudad para sa tuig 2019.
Suno kay Gamboa wala man sang naga kaigo nga numero ang oposisyon sa konseho apang tinguhaan nila nga ma bantayan ang kaban sang gobiyerno nga indi magamit sang naga pungko nga administrasyon sa eleksyon masunod nga tuig paagi sa mga donasyon nga gina hatag sa nag kalain lain nga mga Barangay.
Dugang pa sang konsehal nga tinguhaan nya nga usisaon ang tagsa ka mga dokumento sa tion nga mag dangat na sa konseho ang 2019 proposed budget para sa naga kaigo deliberasyon kag approval.