RESORT SA GOLDENFIELD GIN PASIRA SANG BACOLOD EOC BANGUD SA PAGBAYOLAR SANG HEALTH PROTOCOL

Share on facebook
Share on google
Share on pinterest
Share on twitter
Share on print

Gin kumpirmar ni City Legal Officer Atty. Joselito Bayatan ang ginhimo sang syudad nga pagpasira sa operasyon sang Carribean Resort sa Goldenfield Complex syudad sang Bacolod subong nga adlaw, Hwebes.

Suno kay Bayatan, apisar nga gina dumilian sa gihapon ang pag operate sang mga hotel kag resort sa Bacolod sa idalum sang GCQ status, liwat nga nagbukas sang operasyon ang amo nga kumbuyahan para sa pagbaton sang mga kliyente.

Naga pati si Bayatan nga mahimo may yara sang misconception sa bahin sang pila ka mga negosyante ang Community Quarantine status sang syudad kon nga-a natabo ang amo nga insidente.

Gin kumpirmar man ni City Administrator kag Emergency Operation Center Executive Director Em Ang nga wala sang valid business permit nga gin presentar ang Caribbean Waterpark and Resotel para sa liwat nga pagbukas sang ila operasyon.

Suno kay Ang, base sa resulta sang gin patigayon nga inspection sa lugar, napaslawan nga mag proseso sang renewal ang amo nga kumbuyahan magluwas pa nga ini sila ang indi dapat nga mag operate sa idalum sang GCQ status.

Dugang pa ni Ang magluwas sa business permit, naka komitir man sang bayolasyon sa gina patuman nga health protocol indi lamang ang amo nga kumbuyahan kundi kalakip na ang ila mga guest ukon customer. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.