RESOLUSYON AGUD MALIKAWAN ANG KAANGAY NGA INSIDENTE SANG “TWERK CHALLENGE” GINPASAR SANG COUNCIL SANG BRGY. 5

Share on facebook
Share on google
Share on pinterest
Share on twitter
Share on print

NAGPASAR sang resolusyon ang council sang Brgy 5 sa syudad sang Bacolod agud malikawan ang anuman nga kaangay nga insidente sang nag-viral nga “twerk challenge” sa isa ka ilimnan sa dalan Ramos-Lacson sakop sang amo nga barangay.

Suno kay Kapitan Raymundo Salaveria, pagadumilian na ang pagpatukar sang sound system ukon karaoke lakip na ang pagpatigayon sang “twerk challenge” sa amo nga lugar.

Ginpahanumduman ni Salaveria ang tag-iya kag nagadumala sang mga balaligyaan sa amo nga lugar nga sundon ang resolusyon sang barangaya kag mga limitasyon nga ginapatuman sang syudad agud nga malikawan ang kaangay nga insidente.

Nagpanawagan naman si Salaveria sa mga kabataan ilabi na estudyante nga mag-eskwela sang maayo kag magsulod sa eskwelahan kag indi sa mga balay ilimnan.

PH FLAG SA BGC KAG PROVINCIAL CAPITOL NAKA HALF-MAST KASUNOD SANG PAGTALIWAN NI ANAY PRESIDENTE BENIGNO AQUINO

Parehas nga naka half-mast ang hayahay sang Pilipinas sa Bacolod Government Center kag sa Kapitolyo Probinsyal.

Ini bilang pagpakita sang respeto sa nagtaliwan nga si anay Presidente Benigno Aquino III kaina sang aga, Hwebes.

Si Mayor Bing Leonardia ang nag isyu sang Executive Order No. 33 series of 2021 nga naga mando nga i-half-mast ang tanan nga PH flag sa syudad sang Bacolod.

Sa mensahe ni Leonardia, ginpahayag nga nagbugtaw ang bug-os nga pungsod sa masubo nga balita angut sa wala gina paabot nga pagtaliwan sang anay Presidente.

Nagapasalamat si Leonardia sa pagserbisyo ni Aquino para sa mga pumuluyo sa pungsod.

Nagapasalamat si Leonardia sa pagserbisyo ni Aquino para sa mga pumuluyo sa pungsod.

Samtang, nagpabutyag sang kasubo si Vice Mayor Elcid Famillaran sa natabo nga pag taliwan ni Aquino.

Suno kay Famillaran, indi man sila personal nga kilalahay ni Aquino, apang nangin partymate sini sa Liberal Party si Aquino sadtong tiyempo nga ini ang napilian bilang konsehal sang Bacolod.

Dugang pa ni Famillaran, ang pagtaliwan ni Aquino ang isa ka klaro nga manipestasyon nga tanan kita sigurado nga madula sa kalibutan apang wala lamang mahibaluan ang pat-od nga tiyempo.

ISA PATAY, ISA PILASON MATAPOS NA AKSIDENTE ANG TRICYCLE SA SAGAY

Ginbawian sang kabuhi ang bana, samtang pilason ang asawa sa nagluntad nga aksidente sa Taytay Tan-ao, Purok Taklong, Barangay Bato, Syudad sang Sagay las 3 sang hapon, Myerkules.

Ang napatay ginkilala kay Llewelyn Datolayta, 56 anyos, samtang ang pilason nga asawa ginkilala kay Dory, 57 anyos tanan nagapuyo sa Barangay Maquiling, samtang ang driver nga truck ginkilala naman kay Roger Vergara, 47 anyos, nagapuyo naman sa Barangay Bato sa amo man nga Syudad. 

Sa inisyal nga imbestigasyon sang otoridad sa pagpanguna ni P/LCol Albert Sy, hepe sang Sagay PNP,  naglupok ang goma sa sidecar sang tricycle rasun nga indi na ini makontrol sang driver kag nagpadulong sa nasugata nga truck.

Nasangit sang truck ang tricycle nga ginmaneho sang napatay upod ang asawa nga ginabulong subong sa hospital.  

Gina-usisa pa sa otoridad ang impormasyon nga nag-wild ang karabaw nga karga sang tricycle rasun nga wala na makontrol kag nagbungo sa nasugata nga truck.

MORE STORIES:

LIKE US ON FB

error: Ooops... You are not authorized to copy this content.