REROUTING SA DALAN BURGOS, IPATUMAN

Share on facebook
Share on google
Share on pinterest
Share on twitter
Share on print
Bacolod City –   Ipatuman sang Bacolod Traffic Authority Office (BTAO) ang duha ka adlaw traffic rerouting sa dalan Burgos, syudad sang Bacolod umpisa bwas nga adlaw (Nobiembre 1) tubtob 2 kadungan sang sa pagdumdom sang piesta minatay. 
Suno kay Superintendent Luisito Acebuche, pamuno sang BTAO, tanan nga salakyan gikan East uko Sidlangan ang magalabay sa Malaspina Street, maga diretso sa Ylac Street, maga right turn padulong Maso Street pakadto sa ila destinasyon. 
Ang mga salakyan naman gikan sa West ukon nakatundan ang magalabay sa BBB street, maga-left turn sa Galo, kag left turn sa dalan Lopez Jaena padulong sa ila 
Dugang pa ni Acebuche, may re-routing man sa area sang Rolling Hills Memorial Chapel, sa diin tanan nga salakyan padulong west ang magalabay sa Bangga Escala, maga-left turn sa C.L. Montelibano Avenue pakadto Circumferential Road. 
Samtang 320 tanan ka mga traffic enforcers ang ipahamtang sang BTAO sa tanan nga public kag private cemetery sa Bacolod sa Nobiembre 1 kag 2. 
Nagpangabay si Acebuche sang kooperasyon sa mga motorista sa ila ipatuman nga traffic rerouting

ISA PATAY, ISA PILASON MATAPOS NA AKSIDENTE ANG TRICYCLE SA SAGAY

Ginbawian sang kabuhi ang bana, samtang pilason ang asawa sa nagluntad nga aksidente sa Taytay Tan-ao, Purok Taklong, Barangay Bato, Syudad sang Sagay las 3 sang hapon, Myerkules.

Ang napatay ginkilala kay Llewelyn Datolayta, 56 anyos, samtang ang pilason nga asawa ginkilala kay Dory, 57 anyos tanan nagapuyo sa Barangay Maquiling, samtang ang driver nga truck ginkilala naman kay Roger Vergara, 47 anyos, nagapuyo naman sa Barangay Bato sa amo man nga Syudad. 

Sa inisyal nga imbestigasyon sang otoridad sa pagpanguna ni P/LCol Albert Sy, hepe sang Sagay PNP,  naglupok ang goma sa sidecar sang tricycle rasun nga indi na ini makontrol sang driver kag nagpadulong sa nasugata nga truck.

Nasangit sang truck ang tricycle nga ginmaneho sang napatay upod ang asawa nga ginabulong subong sa hospital.  

Gina-usisa pa sa otoridad ang impormasyon nga nag-wild ang karabaw nga karga sang tricycle rasun nga wala na makontrol kag nagbungo sa nasugata nga truck.

PDEA: SIYAM KA DRUG GROUP LEADERS AKTIBO NGA NAGASUPLAY SANG DROGA SA BACOLOD KAG NEGROS OCCIDENTAL

Ginkumpirmar ni PDEA Negros Occ. Head, Nicholas Gomez, nga 9 ka mga drug group leaders ang aktibo nga nagasuplay sang ilegal nga droga sa syudad sang Bacolod kag Probinsya.

Sa interview sang Aksyon Radyo Bacolod kay Gomez, ginpahayag sini nga isa si Michael Divinagracia sa 9 ka mga drug group lider nga nagpanago kag napatay sa probinsya sang Rizal.

Dugang pa ni Gomez, nahibaluan sang ila ahensya ang ngalan sang 8 pa ka mga lider paagi sa rebelasyon sang mga nagkaladakpan sa buy-bust operation.

Kaangay sang istilo sadto ni Michael Divinagracia kag sang grupo sini, naglaylo kag ginpili sang mga drug group lider nga magpalayo sa syudad kag magtiner sa Luzon agud indi makita sang otoridad.

Ginpahayag ni Gomez ang bag-o nga istilo sang mga ilegalista, ina amo ang pagkuha sang bag-o nga drug personality nga ginahimo bilang bagsakan sang ilegal nga druga. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.