RD LEDESMA NAG BISITA SA PILA KA ESKWELAHAN SA BACOLOD KAG NEGROS OCCIDENTAL SA PAG BUKAS SANG KLASE SUBONG NGA ADLAW

Share on facebook
Share on google
Share on pinterest
Share on twitter
Share on print
(Contributed Photo | CTTO)

Ginbisitahan ni DepEd Regional Director Gemma Ledesma ang pila ka eskwelahan, sa syudad sang Bacolod kag Negros Occidental agod lantawon ang opisyal nga pagbukas sang klase subong nga adlaw, Lunes.

Sa interview sa Aksyon Firing Line kaupod ni Aksyon Bryan Morden, ginpahayag ni DepEd Negros Occidental PIO Ian Arnold Arnaiz nga una ginbisitahan ni Ledesma ang Negros Occidental National High School nga gin umpisahan ang pagbukas sang klase sa isa ka flag raising ceremony.

Suno pa kay Arnaiz, sunod nga ginkadtuan ni Ledesma amo ang Lopez Jaena National High School sa banwa sang Murcia antes pa nagsaka sa Don Salvador Benedicto kag ginbisitahan ang tatlo ka eskwelahan.

Dugang pa ni Arnaiz, ang ginbisitahan nga mga eskwelahan ang nag usar sang printed modules.

Ginpahayag ni Arnaiz, wala pa sila sang nabaton nga isyu sa printed modules apang ila na gina antisipar ang posible pila ka reklamo.

Sa karon, ang na-encounter nga problema amo ang kulang nga modules matapos nga may yara sang late enrollees kag may iban nga nagkaladula ang ngalan sa listahan. | Aksyon Ann Defensor

MORE STORIES:

LIKE US ON FB

error: Ooops... You are not authorized to copy this content.