RADTECH KAG PULIS NAG SABTANAY SA CHECK-UP POINT

Share on facebook
Share on google
Share on pinterest
Share on twitter
Share on print

Ginarespeto ni Police Capt. Richard Pajarito, hepe sang Police Station 3 ang desisyon sang magtimbang nga bahin nga nagpa-record sa natabo nga insidente kahapon sang hapon (Abril 26) sa quarantine check-up point sa Bangga Ruins Access Road Barangay Bata syudad sang Bacolod.

Una diri, gin alegar nga may pagsabtanay nga natabo sa isa ka Radiology Technologist nga nagatrabaho sa Teresita Jalandoni Provincial Hospital sa syudad sang Silay kag ni Police Senior Master Sgt. Raymund Solilapsi nga assign sa nasambit nga check up point.

Suno kay Pajarito, indi magpatunga ang Police station 3 kon magpasakaay sang kaso ang magtimbang nga bahin tungod kinamatarong nila ini.

Angot naman sa kabalaka sang RadTech sa posibilidad nga dumtan siya ni Solilapsi, ginpasiguro ni Pajarito nga indi ini matabo ilabi pa nga pareho sila nga frontliners.

Nagapati si Pajarito nga bangod sa kakapoy mahimo natabo ang insidente.

Nagalaom si Pajarito nga ang mga frontliner ang magpasangkad pa sang ila paminsaron para malikawan ang kaangay nga insidente. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.