PUROK SANG NAG TALIWAN NGA COVID-19 SUSPECT SA MURCIA, GIN-LOCKDOWN

Share on facebook
Share on google
Share on pinterest
Share on twitter
Share on print

Ginpaidalom sa lockdown ang Purok Paghidaet, Barangay Salvacion banwa sang Murcia Negros Occidental, matapos nagtaliwan ang isa ka Covid-19 suspect nga residente sang amo nga lugar.

Suno kay Mayor Gerry Rojas, ang napatay amo ang 27 anyos nga helper sang delivery, kag masami nga nagabiyahe sa norte sang Negros Occidental.

Mayo 24 sang aga, sang ini ang gindala sa hospital kag nagtaliwan makaligad ang pila ka oras bangud sa severe dengue kag nagbatyag man sang pila ka mga sintomas sang Covid-19.

Dugang pa sang alkalde, gilayon nga ginpalubong sa patyo ang pasyente bilang pagsunod sa protocol sang Department of Health.

Nakuhaan naman sang swab test ang napatay kag ginalaoman nga mahibaluan ang resulta sa sulod sang isa ka semana.

Ginklaro sang alkalde nga dapat lamang ipaidalom sa lockdown ang lugar bilang precautionary measures kag gilayon man nga kakason sa tion nga magnegatibo ang resulta.

Abril 22, 2020, sang ginpaidalom man sa lockdown ang Prk. Gloria Brgy. Santa Rosa Murcia. | Aksyon Marlon Genovea

MORE STORIES:

error: Ooops... You are not authorized to copy this content.