Ginbalik na sa Modified General Community Quarantine ang Purok New Site, Barangay Minoyan banwa sang Murcia matapos nagnegatibo sa COVID-19 ang 23 ka mga persona nga close-contact sang asawa sang driver sang ambulansya sang probinsya sang Negros Occidental nga nagpositibo sa virus.
Sa interview sang Aksyon Radyo Bacolod kay Murcia Mayor Gerardo Rojas, ginkalipay sini nga nag-abot na ang resulta sang swab test sa asawa sang driver kag nagnegatibo ini sa COVID-19.
Una na nga nagnegatibo sa COVID-19 ang 22 ka iban pa nga persona nga nadala sa contact tracing kag ang tanan nga mga personnel sang Provincial Disaster Risk Reduction Management Office nga ginpaidalom sa quarantine.
Nagpasalamat si Rojas sa kooperasyon sang mga pumuluyo sa Purok Newsite kag sa kabug-usan nga Barangay Minoyan.
Sa piyak sini, nagapanugyan sa gihapon si Rojas sa mga pumuluyo nga sundon ang mga health protocols agud indi malatnan sang COVID-19. | Aksyon John Diaz
