Nagpatigayun sang reassessment ang medical officer sang City Health Office kag mga opisyal sa Barangay Banago,syudad sang Bacolod angot kon tubtub diin lamang ang masakop sa lockdown sa Purok Mahimulaton nga una gin-report nga ginpaidalom sa’total lockdown’.
Suno kay Dr. Grace Tan, sang Bacolod City Health Office tuyo sang reassesment amo nga hibaluon kon ano ka lapad kag kon ano ang rason kon nga a amo gid ka dako ang i-lockdown sa lugar.
Paathag pa ni Tan, tuyo sang lockdown agod nga ma-isolate ang apektado nga indibidwal ukon grupo sa komunidad.
Dugang pa ni Tan, may isolation tungod may yara na sang clustering sang kaso sa lugar bangud may na record na nga local transmission kag agod masiguro nga indi na maglapta pa ang virus.