PULIS: WALA SANG FOUL-PLAY SA LALAKI NGA NAKIT-AN PATAY SA SULOD SANG SALAKYAN

Share on facebook
Share on google
Share on pinterest
Share on twitter
Share on print

Wala sang foul-play ang kamatayon sang 48 anyos nga si John Cinco pumuloyo sang Barangay Singcang syudad sang Bacolod.

Suno kay Police Capt. Leo Estopa hepe sang Police Station 2 “cardiac arrest” ang ginkamatay ni Cinco.

Ini ang resulta sang autopsy sa bangkay ni Cinco nga ginpatigayon sang Scene of the Crime Operatives ukon SOCO.

Suno kay Estopa wala sila sang makita nga pilas sa lawas ni Cinco magluwas sang dugo nga gwa sa iya ilong.

Suno kay Estopa wala man sang nakita nga senyales nga nagpamwersa ang biktima magluwas nga nagahigda ini sa likod sang iya salakyan sang masapwan nga patay.

Kompleto man ang gamit ni Cinco kag wala sang indikasyon nga ini siya ginkawatan.

Oktobre dise-syete sang aga sang makita ang patay nga lawas ni cinco sa sulod sang iya salakyan nga crosswind nga naga-park sa Bredco Purok Lampirong Brgy. 2 syudad sang bacolod.

Ginakonsiderar ni Estopa nga solved na ang kaso sa kamatayon ni Cinco. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.