PULIS: PAGPAHAMTANG SANG DUHA KA ENTRANCE KAG EXIT POINTS SA LIBERTAD MARKET NANGIN EPEKTIBO

Share on facebook
Share on google
Share on pinterest
Share on twitter
Share on print

Nangin epektibo ang pagpahamtang sang duha ka mga entrance kag exit points sa Libertad Public Market bilang pagkontrol sa kadamuon sang tawo nga nagasulod sa merkado.

Suno kay Police Station 6 Commander Police Captain Elmer Bonilla, mas nasunod ang social distancing sa merkado sang ginkontrol ang movement sang mga tawo.

Dugang pa ni Bonilla, dako man nga bulig sang presensya sang kapulisan kag mga traffic enforcers sa pagpabilin sang sistema sa trapiko sa palibot sang merkado.

Liwat nga ginahingyo ni Bonilla ang pag-inchindi sang publiko sa pagpasira sang dalan Mabini-Margarita kag paglimita sa mga salakyan nga nagasulod sa dalan Lizares-Amelia.

Ang mga entrance kag exit points sang Libertad Public Market yara sa ginsang-an sang dalan Hernaez-Amelia kag dalan Margarita-Amelia. | Aksyon John Diaz

MORE STORIES:

error: Ooops... You are not authorized to copy this content.