PULIS NATIRUHAN ANG DRUG SUSPEK NGA GIN ALEGAR NAG BATO

Share on facebook
Share on pinterest
Share on twitter
Share on print

Natirohan sang personnel sang Police Station 7 ang Street Level Target drug personality nga si Judy Regala, 22 anyos pumuloyo sang Purok Cabugwason, Barangay Mansilingan syudad sang Bacolod.

Si Regala ang may igo sang luthang sa likod kag ginabulong sa Corazon Locsin Montelibano Memorial Regional Hospital.

Napilitan ang kapulisan nga magbalos tiro kay Regala sang una siya nagpalupok gamit ang calibre 38 nga revolver. Nakuha kay Regala ang 200 mil pesos nga bili sang shabu, shabu paraphernalia kag armas luthang.

Suno kay Police Lt. Florentino Abalayan, hepe sang Police Station 7 nagpatigayon sang buybust operation batok kay Regala matapos sini gin-post sa social media ang shabu kag armas luthang.

Si Judy Regala ang yara sa custodial facility sang Police Station 7 samtang ginapreparar ang kaso batok sa iya. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
0

116 KA MANUGSAGOD SANG BABOY SA TALISAY KAG SILAY NAKABATON SANG BULIG PINANSYAL

116 ka mga manugsagud baboy ang nakabaton sang bulig pinansiyal sa idalom sang Hog Raisers Assistance Program sang gobyerno probinsiyal sang Negros Occidental.

Ini nga mga benepisyaryo ang naghalin sa syudad sang Talisay kag Silay nga naapektohan sang pamalatian sang baboy, ilabi na ang hog cholera kag African Swine Fever (ASF).

Sa record sang Provincial Social Welfare and Development Office, may kabug-usan nga 5,000 ka mga benepisyaryo ang pagahatagan sang pinansiyal. Ang pagpanagtag ginapatigayon paagi sa ‘batch by batch’ sandig sa ila compliance sa mga ginaobligar nga dokumento.

Nagligad nga Pebrero, kapin sa 800 ka mga hog raisers sa 4th kag 5th districts nga ang ila mga ginasagud nga baboy ang nahalitan sang ASF, ang ginhatagan sang bulig pinansiyal.

Sa karon may mga hog raisers sa gihapon nga padayon naga-comply sa mga requirements, pareho sang certifications sa barangay kag Municipal Disaster Risk Reduction and Management Offices. | Capitol PIO Photo

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI, PATAY SANG GINTIRO MATAPOS NASAL-AN NGA KONTRA SANG SUSPECT

Patay ang isa ka lalaki matapos masal-an nga amo ang kontra sang suspect sa nagluntad nga shooting incident sa Sitio Kantinakip, Barangay Sikatuna banwa sang Isabela, las 11 kagab-i, Marso 26.

Suno kay Police Captain Arjay Dangarang, hepe sang Isabela PNP, nagalakat ang biktima nga si Randy Labinoy, 39 anyos sa ka sagingan sang hinali nalang nga ginluthang sang wala pa ginhingadlan nga suspetsado gamit ang wala pa mahibaluan nga armas luthang igo sa nawala nga tyan nga amo ang gintunaan sang iya kamatayon.

Sa inisyal nga imbestigasyon sang kapulisan, base sa mga saksi napasibangdan lang si Labinoy nga amo ang kontra sang suspect nga nahibaluan may madugay na nga away.

Palayag ni Dangarang nga dulom ang lugar rason nga lain nga tawo ang naluthangan sang suspect.

Sa karon, padayon pa ang ginapatigayon nga imbestigasyon kag pag pangita sang dugang nga saksi para ma kumpirmar ang identity sg suspect.

What’s your Reaction?
+1
1
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.