Gin-ako ni Christian Tulot sa kapulisan nga siya lang isa ang nagpatay sa apat ka miembro sang pamilya sa Gardenville Subdivision, Barangay Tangub, syudad sang Bacolod.
Suno kay Police Major Joery Puerto, hepe sang Police Station 8, misleading ang una nga statement sang suspek nga may gin angut ini nga iban nga tawo.
Dugang pa ni Puerto, ila narekober ang anum ka mga cellphone sang mga biktima kag pila ka mga pagkabutang sa balay nga ginatiniran sang suspek sa Don Salvador Benedicto.
Suno sa kapulisan, mismo si Christian ang nagtudlo sa kapulisan nga ang espading nga nagalaba sang 21 pulgada kag martilyo nga ginusar sa krimen ang nakatago sa kusina.
Ginakabig ni Puerto nga case solved ang krimen kag karon gina asikaso na ang mga dokumento sa pagpasaka sang kaso nga multiple murder with robbery.