PUBLIC HEARING SA PAGSAKA SANG BALAYRAN SA TUBIG PATIGAYUNON BWAS

Share on facebook
Share on google
Share on pinterest
Share on twitter
Share on print

Maga patigayon si Councilor Wilson Gamboa Jr. sang public hearing angut sa average billing kag pagsaka sang balayran sang tubig sang Bacolod City Water District takna las 10 sang aga, bwas nga adlaw, Hwebes.

Suno kay Gamboa, ang hearing ang patigayunon matapos nga may gin aprubahan nga resolution ang konseho nga naga pangabay sa management sang BACIWA nga ipaathag ang pagsaka sang balayran sa tubig.

Dugang pa ni Gamboa, base sa iya ihibalo, ang water bill sadtong Marso, Abril, kag Mayo ang ginbase sa average billing kasunod sang community quarantine nga gin patuman kag ang June nga billing ang may tuman kadako nga pagtaas.

Una nga nag pangayo sang pasaylo ang BACIWA bangud sa sala nga billing sang Hunyo bangud sa adjustment sang billing system sa tion sang enhanced community quarantine period.

Suno pa kay Gamboa, sa hearing iya man usisaon ang update angut sa Bacolod Bulk Water Project, ang joint venture project kag ang isyu angut sa estado ni Director Eduardo Ravena.

NUMBER 1 MOST WANTED SANG HPG REGION 6, NADAKPAN

Priso sa Police Station 4 si Carlo Claro, 37 anyos, residente sang Brgy. 20, syudad sang Bacolod matapos gin-aresto sang otoridad sa kaso nga carnapping.

Suno kay Negros Occidental Highway Patrol Group head Police Major Robelito Mariano, si Claro ang ginakabig nga number 1 Regional 6 HPG most wanted person kag responsable sa pagpangawat sang mga motorsiklo sa syudad sang Bacolod kag probinsya.

Dugang pa ni Mariano, nadakpan si Claro paagi sa warrant of arrest nga gin issue sang korte kag may piyansa nga 300,000 pesos. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.