PROVINCIAL ADMINISTRATOR DIAZ NAG PASIGURO NGA AKTOHAN ANG PROBLEMA SA DELAY NGA SWELDO SANG MGA JOs

Share on facebook
Share on google
Share on pinterest
Share on twitter
Share on print

Ginpasiguro ni Negros Occidental Provincial Administrator Atty. Rayfrando Diaz II nga pagaaktohan ang problema angot sa pagkaatrasar sa sweldo sang mga job order employees (JOs) sang gobyerno probinsiyal.

Suno kay Progressive Alliance of Capitol Employees President Renelo Lastierre, nakigsapol na sa ila si Diaz may kaangtanan sini agud hibaluon kun anu ang ginhalinan sang delayed.

Dugang pa ni Lastierre, isa sa mga rason sini amo ang teknikalidad sa pagproseso sang mga papeles para mapadasig ang pagrelease sang sweldo.

Suno kay Lastierre, duha tubtub tatlo ka bulan nga delayed ang sweldo sang mga JOs. Kapin 600 ang mga JOs sa kapitolyo, sa diin kalabanan sa mga ini ang mga utility workers assign sa Provincial Veterinary Office , Office of the Provincial Agriculturist, kag Mambukal Mountain Resort.

Sila ang una nga nakakontrata sa placement agencies, apang sadtong Marso gin-implementar ang direct hiring sa ila kag subong ginasweldohan na sang gobyerno probinsiyal. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.