PROPOSED ‘FACE MASK’ KAG ‘SOCIAL DISTANCING’ ORDINANCE SA BACOLOD, GINADUSO

Share on facebook
Share on google
Share on pinterest
Share on twitter
Share on print

Gin aprubahan sang Sangguniang Panlungsod sa Bacolod sa first reading sa regular session kahapon nga adlaw ang proposed ordinance nga mandatory nga pag suksok sang face mask kag pagtuman sang social distancing sa tanan nga pampubliko nga lugar sa syudad.

Ang proposed ordinance ang gin-author ni Councilor Archie Baribar.

Sa idalum sang section 3 sang ordinansa, tanan nga persona sa pampubliko nga lugar ang dapat mag suksok sang face mask lakip man ang yara sa sulod sang salakyan ukon pribado nga lugar, sa diin pwede maka access ang general public.

Ang tawo nga mag bayolar sang ordinansa ang papanaugan sang 500 pesos nga penalidad ukon walo ka oras nga community service sa Barangay kon sa diin ini naga istar.

Nasaad sa proposed measure, nga ang violator nga indi residente sang Bacolod ang papanaugan sang penalidad nga 1,000.

Una na nga gin pahayag ni Mayor Evelio Leonardia nga luyag sini nga mangin permanente ang pag usar sang face mask sa publiko kag matuman ang social distancing bilang precautionary measure kontra Covid-19.

Si Baribar ang natalana nga mag patigayon sang public hearing subong nga semana. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.