Nag-isa ang mga miyembro sang progresibo nga grupo sa idalom sang Bagong Alyansang Makabayan ukon Bayan Negros sa ika 157 anyos nga pagdumdum sa kaadlawan ni Gat. Andres Bonifacio subong nga adlaw.
Suno kay Bayan Negros deputy Sec. Gen Ireneo Longinos, nag-isa ang ila hanay kag nagmartsa sa dalanon para sa liwat nga pagdumdum sa kabaganihan kag sakripisyo ni Bonifacio para sa interes sang tanan.
Panawagan sang amo nga grupo nga sukton ang gobiyerno sa kriminal nga kapabayaan sa tunga sang pandemya kag trahedya nga nag abot sa pungsod.
Panawagan man sang mga ini nga untaton na ang red-tagging kag ibasura ang E.O. 32 kag Anti-Terror Law. | Aksyon Alvin Grava