PROCUREMENT SERVICES DIVISION TEMPORARYO NGA GINPASIRA MATAPOS 10 KA MGA EMPLEYADO ANG NAGPOSITIBO SA COVID-19

Share on facebook
Share on pinterest
Share on twitter
Share on print

Temporaryo  nga ginpasira   ang  talatapan sang  Procurement Services Division  (PSD) sa dalan  Cottage Brgy. 9, syudad sang  Bacolod agud ipaidalom sa disinfection.

Ini matapos magpositibo sa COVID-19 ang 10 sa 15 ka mga empleyado  nga nakadestino sa amo nga dibisyon.

Suno kay Provincial Administrator Atty. Rayfrando Diaz II, ini  nga  mga empleyado amo ang nagabaton sang shipment sang mga common supplies kag equipment  halin sa Department of Budget and Management (DBM) Manila. 

Nagapati si Diaz  nga posible naghalin sa sini nga shipment ang COVID-19, gani kinahanglan nga ireview ang ‘standard procedure’ sa pagbaton,  kag ipaidalom sa sanitation pag-abot sa probinsiya.

Dugang pa ni Diaz, ang 10 ka mga  PSD personnel ang kalakip sa 19   ka mga nagpositibo sa COVID-19  basi  sa resulta  nga ginpagwa sang  Mayo 4, 2021.

Ang PSD ginadumalahan sang DBM, Procurement Service – PhilGEPS  kag  gobyerno probinsiyal. 

Samtang ginkalipay naman ni Diaz  ang resulta sang swab test sa 28 ka mga close contacts, bangud  ini ang lunsay  nga nagnegatibo sa virus. Sa karon ang  mga Provincial Capitol Employees  nga COVID-19 positive  ang naka ‘isolate’ sa Mambucal Summer Resort sa banwa sang Murcia.  Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.