PROBLEMA SA PILA KA MGA LUGAR NARESOLBAR AMAT-AMAT SANG UNEGA KAG LOVE NEGROS

8K JOB VACANCIES IGATANYAG SA LABOR DAY JOB FAIR SA SM BACOLOD

Masobra otso mil ka mga job vacancies ang igatanyag sang mga kumpaniya nga makigbahin sa job fair sa Mayo 1 kadungan sang ika 122 nga selebrasyon sang Labor Day nga may tema “Sa Bagong Pilipinas Manggagawang Pilipino Kabalikat at Kasama sa Pag-Asenso”.

Suno kay Carmella Abellar, tagpamuno sang Department of Labor and Employment-Bacolod, nagapadayon pa ang ila pag imbitar sa mga kumpaniya nga nagapangita sang mga trabahante.

Sa karon may yara na sang 7,399 local job vacancies kag 1,194 overseas job vacancies. Gina-engganyo naman ni Abellar ang mga luyag mag apply sg trabaho nga mag pa pre-register paagi sa pag scan sang QR Code nga makita sa ila mga tarpaulins kag facebook page apang ginklaro sini nga nagabaton man sila sang walk-in applicants.

Kadungan sang job fair, may yara man sang caravan of services kon diin gin imbitar sang DOLE ang iban nga ahensya sang gobyerno kaangay sang SSS, Philhealth,Pag-Ibig kag NBI kon diin pwede maka proseso sang pre-requirements ang mga aplikante kag mahimo man maka akomodar sang mga luyag mag proseso sang ila mga kinahanglan sa nasambit nga mga ahensya.

Ang job fair ang patigayunon sa SM City Bacolod sa Mayo 1 umpisa alas 9 sang aga tubtob las 5 sang hapon.

ISA PA KA SABAT NI BTAO HEAD LACSON, GINAHULAT SANG CLO

Magasumiter ang City Legal Office sang ila nga findings kay Mayor Albee Benitez angut sa sitwasyon ni BTAO Head Patrick Lacson nga na isyuhan sang duha ka separado nga notice to explain.

Ini angut sa insidente nga pagdala sang salakyan sa idalum sang MABB Cab kag ginkakasan sang logo ka LGU kag ang quota system sa mga traffic enforcers pero ini ang na recall na.

Sa interview sang media, Martes, ginpahayag ni City Legal Officer Atty. Romeo Carlos Ting Jr., sa duha ka notice to explain, isa pa lamang ang opisyal nga nasabat ni Lacson samtang ang isa ang ginahulat pa sang ila opisina.

Ginpahayag ni Ting, nga bukas ini nga isumiter sa ila opisina ang mga memorandum sang mga department head para ini ang ma usisa kon may mga legal issues.

Si Lacson ang may designation nga executive assistant kag nagpungko bilang traffic consultant antes nangin officer-in-charge sang BTAO sang Nobiembre 2023.

Una nga ginpahayag ni Lacson nga handa ini nga atubangon sa tion nga may penalidad nga ipapanaug ang alkalde batuk sa iya.