Nagasalig si Governor Eugenio Lacson nga malab-ot sang gobyerno probinsiyal ang target nga pagbakuna sa 70% nga populasyon sa Negros Occidental.
Suno kay Lacson nga base sa ginpalab-ot sa iya nga impormasyon, amat amat na nga nakumbinsir ang mga Negrense nga magpabakuna kontra Covid-19.
Dugang pa sang gobernador, iya man ginalauman nga matuman ang plano sang gobyerno nasyonal nga mabakunahan ang 70% sang populasyon.
Sa masunod nga bulan, iga-anunsiyo sang AstraZeneca Pharmaceuticals , Inc. ang skedyul sa pagdeliber sang 100,000 ka doses nga ginbakal sang gobyerno probinsiyal para sa 50,000 ka mga persona.
Kun ini ang mag-abot, una nga bakunahan ang mga medical frontliners sa probinsiya, samtang ang gobyerno nasyonal amo naman ang magapadala sang dugang nga bakuna para sa nabilin nga mga Negrenses. | Aksyon Marlon Genovea