PROBINSYA PLANO IPATUMAN ANG INDI PAGBATON SANG NEGRENSE NGA MAGAPAULI KON PUNO NA ANG QUARANTINE FACILITY SANG LGU

Share on facebook
Share on google
Share on pinterest
Share on twitter
Share on print

Gin anunsyo ni Negros Occidental Governor Bong Lacson nga igapatuman ang indi pagbaton sa mga traveler sa tion nga puno na ang quarantine facility sang ila Local Government Unit sa masunod nga duha ka semana.

Sa interview sang Aksyon Firing Line, ginpahayag ni Lacson, mabudlay ang pagpangabay sang travel moratorium nga damlag lang gin hatag sa probinsya duha ka semana ang nakaligad.

Suno kay Lacson, ini nga plano ang tuyo nga ma control ang tawo nga nagasulod sa probinsya.

Ginpaathag ni Lacson, ang probinsya ang magadesisyon kon batunon ang traveler ukon indi samtang ang LGU ang ma kumpirmar kon ila ini nga residente.

Wala pa sang petsa nga ginpalayag si Lacson kon san-o ini ipatuman.

Damlag lang ginpahayag ni Provincial Administrator Rayfrando Diaz II nga yara na sa critical level ang quarantine kag isolation facilities sang probinsya.

Samtang, nakarecord ang Negros Occidental sang 209 ka bag-o nga Covid-19 cases samtang 47 ang nagdugang sa Bacolod City subong nga adlaw, Hwebes.

MORE STORIES:

LIKE US ON FB

error: Ooops... You are not authorized to copy this content.