PROBINSYA NANAWAGAN NGA DUMILIAN ANG PAG IMBITAR SANG PANGAYAW PARA MALIKAWAN ANG PAGLAPTA SANG VIRUS

Share on facebook
Share on google
Share on pinterest
Share on twitter
Share on print

Ginpanawagan sang gobyerno probinsiyal sang Negros Occidental sa publiko, nga dumilian anay ang pag-imbetar sang pangayaw nga tawo sa sulod sang panimalay, agud malikawan ang paglaton-laton sang coronavirus.

Ini matapos magpositibo sa Covid-19 ang OIC provincial budget officer, sa diin ang pag-imbetar sang “prayer warriors” agud magpangamuyo sa hukas lalaw sa puluy-an sini, ang isa sa ginapatihan nga ginhalinan sang infection.

Suno kay Provincial Administrator Atty. Rayfrando Diaz, kinahanglan man nga makuhaan sang swab test ang mga nagpangamuyo, agud mahibaluan kun sa ila gid man naghalin ang virus, kag mapungan ang dugang nga pagpanglaton sa tion nga may magpositibo.

Una diri, ginsiling ni Diaz nga nagpositibo man sa Covid-19 ang bayaw sang budget officer, bangud nakaupod man ini sa sulod sang puluy-an nga ginpangamuyuan.

Sa karon ginahulat pa ang resulta sa RT-PCR test sang iban nga mga naka close contact sang nagpositibo nga department head. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.