PROBINSYA NAGTALANA SANG ISOLATION FACILITY SA MGA NAG POSITIBO SA COVID-19

Share on facebook
Share on google
Share on pinterest
Share on twitter
Share on print

Gintalana sang gobyerno probinsiyal bilang isolation facility sa mga Negrense nga positibo sa Covid-19 ang Provincial Healing Center sa Tumandok Village, Barangay Santo Niño, banwa sang E.B. Magalona.

Suno kay Provincial Health Officer Dr. Ernell Tumimbang, ini ang kabahin sa tikang nga ginhimo sang probinsiya para maseparar ang mga nagpositibo, kag indi makalaton sa iban pa nga nagapaidalom sa quarantine kag nagahulat sa resulta sang RT-PCR tests.

Sa datos sang EB Magalona Municipal Health Office ‘ As of 8:00 am July 20, 2020’, 27 ka mga persona ang naka-facility quarantine sa amo nga banwa.

Dugang pa ni Tumimbang, ang bag-o ginbuksan nga quarantine facility sa Yolanda housing syudad sang Silay, amo naman ang gintalana para sa mga returning LSIs.

Ang quarantine facility sa St. Andrews Park Place Brgy. Tinampaan syudad sang Cadiz, ang para naman sa mga ‘returning residents’ halin sa Cebu, bangud ini ang malapit sa Tabuelan port. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.