PROBINSYA NAGA PREPARAR SA PAG BALIK SANG BYAHE SANG MGA LSIs, ROFs, OFWs SA AGUSTO 23

Share on facebook
Share on google
Share on pinterest
Share on twitter
Share on print

Ginapreparahan na sang Provincial Incident Management Team (PIMT) ang pagbalik sang repatriation sa mga locally-stranded individuals (LSIs), returning overseas Filipinos (ROFs), kag Overseas Filipino Workers (OFWs) halin sa Metro Manila sa Agusto 23, 2020.

Suno sa bag-o gindesignar nga PIMT Incident Commander Zeaphard Gerhart Caelian, magatapos na sa Agusto 22 ang duha ka semana nga moratorium sa pagbaton sang mga LSIs, ROFs kag OFWs nga nag-umpisa sadtong Agusto 8.

Dugang pa ni Caelian, daku ang nabulig sang moratorium agud magligwa sa mga gina quarantine ang mga quarantine facilities sang probinsiya.

Ang duha ka semana nga moratorium ang nabasi sa Resolution sang Regional Inter-Agency Task Force kag Regional Task Force on Covid-19 sang Western Visayas.

Si Caelian nga pamuno sang Provincial Humanitarian and Response Cluster ang gindesignar ni Governor Bong Lacson bilang Incident Commander sang PIMT , bulos sa nagresign nga si Dr. Jonathan Lobaton. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.