Nagpatigayon sang Kanlaon worst-case scenario Simulation exercise (Simex) ang probinsya sang Negros Occidental sa Mambucal Resort sa banwa sang Murcia, Biernes nga adlaw.
Suno kay Provincial Disaster Management Division Head, Dr. Zeaphard Gerhart Caelian, nagsaksi mismo sa amo nga simex si Office of the Civil Defense Regional Director Jose Roberto Nunez kag nag-upod sang mga evaluators.
Ginpakita sa simex ang nagakadapat himuon sa tion sang eruption, displacement, evacuation, relief distribution, kag unstable communication ukon wala sang signal.
Nagtambong man sa amo nga simex ang mga tiglawas sang banwa sang La Castellana, Moises Padilla, La Carlota, Murcia, Pontevedra, Hinobaan, Talisay, Canlaon City sa Negros Oriental kag pila ka mga concerned agencies.
Ginpasiguro naman ni Caelian nga sang ginpatigayon ang simex ginasunod nila ang mga health safety protocols- ang mga personnel naka ppe kag nagasunod sa social distancing.
Basi sa evaluation, ang probinsya sang Negros Occidental ang ginhatagan sang green light ukon “pass with condition”.
Sa karun, ang Kanlaon ang yara sa Alert Level 1.
Suno kay Caelian kun sadto may masobra 100 ka mga volcanic activities nga namonitor sa kanlaon subong, yara na gid lamang sa average nga 15.
Ginadumilian sa gihapon ang pagsulod sa 40 kilometer radius permanent danger zone. | Aksyon John Diaz
