PROBINSYA NAG FACILITATE SANG DUGANG NGA SWEEPER FLIGHTS SUBONG NGA HUNYO

Share on facebook
Share on google
Share on pinterest
Share on twitter
Share on print

Nagpaguwa sang panibag-o nga schedule ang probinsya sang Negros Occidental sa mga sweeper flights sa masunod nga semana.

Sa interview sang Aksyon Radyo Bacolod, gin pahayag ni Governor Eugenio Jose “Bong” Lacson, nga ang tanan nga mga Negrense kag Bacolodnon nga nakagawad na sang ticket sa Philippine Airlines ang pahanugutan nga magbyahe papauli sa probinsya kag pabalik sa Manila apang dependi sa tinutuyo sini.

Pagpaathag ni Lacson, para sa mga essential purposes gid lamang ang pahanugutan nga magbyahe kaangay na lamang sang mga returning residents, locally stranded individuals (LSI) kag mga empleyado sang mga essential establishments.

Ang sweeper flights sang Philippine Airlines magasugod sa Hunyo 16, 17, 19 kag 21 samtang para sa Air Asia gintalana ini sa Hunyo 19 kag 21.

Nagpanawagan si Lacson sa publiko sang kooperasyon samtang padayon man ang nagapauli nga mga Overseas Filipino Workers (OFWs) kag Locally Stranded Individuals (LSI).

Byernes sang aga, nag abot sa probinsya ang 177 ka mga Negrense LSIs kag karun yara sa quarantine facility sa banwa sang EB Magalona samtang 17 naman ka mga OFWs ang nakapauli Byernes sang gab-i sakay sa isa ka sweeper flight. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.