PROBINSYA MAY PANGABAY SA OWWA ANGUT SA KADAMUON SANG RETURNING OFWs

Share on facebook
Share on google
Share on pinterest
Share on twitter
Share on print

Nagapangabay sa Overseas Workers Welfare Administration (OWWA) si Atty Rayfrando Diaz, Negros Occidental Provincial Administrator nga tingubon ang pagpapauli sang mga Overseas Filipino Workers ukon mga stranded Negrense agud magsanto sa kadamuon sang mga hotel ukon pension houses rooms agud indi mauyangan ang gasto sang ahensya subongman sang gobyerno probinsiyal.

Ginhalimbawa ni Diaz nga kon may 20 ka OFWs nga ipahamtang sa isa ka 50 room capacity nga mga pension house ukon hotel, ginapabayaran sang tagdumalahan sang mga tululugan ang 30 ka mga kwarto sa pihak nga wala sang may naga occupy.

Suno kay Diaz, may kabudlayan sa gihapon ang komunikasyon sa tunga sang probinsiya kag sang mga nagapadala sang returning OFWs bangud wala sang eksakto nga komunikasyon kag detalye nga ginapadala sa ila.

Natalana bwas nga adlaw, Mayo 20, 88 ka mga OFWs ang maga-abot apang wala sila sang ideya kon pila ang residente gikan sang Bacolod kag pila ang sa Negros Occidental.

Natalana man nga may maga abot nga isa pa ka barko nga may sakay man nga mga OFWs subong nga semana pero wala pa sang detalye. | Aksyon Eden Aboso

MORE STORIES:

error: Ooops... You are not authorized to copy this content.